30 okt ARTISK SINFONIETTA FRAMFØRER «MOVEMENTS/RØRSLER»
Lagt ut kl 17:32h
i Uncategorized
Torsdag 5. november framfører Artisk Sinfonietta med dirigent Halldis Rønning Movements/Rørsler i ein ny finpussa versjon av dette knapt halvtime lange stykket. Stykket er skrive i fem satsar, og leikar med klassiske formprinsipp i nytt tonespråk. I «Movement/Rørsler» set eg lys på utøvarane i ulike perspektiv, og hyllar musikken og musikaren si evne til å utrykka form og rørsle.
For nøyaktig 30 år sidan bestilte BIT20 Ensemble stykket, og framførte det i inn- og utland. Urframføringa var på Music Factory i Grieghallen. Stykket blei innspelt på CDen «Transit» på Aurora Records i år 2000 av BIT20. Musikken er også tilgjengeleg på digitale plattformer. Konserten i Stormen konserthus er utseld.