20 feb FESTIVALKOMPONIST PÅ ROSENDAL KAMMERMUSIKKFESTIVAL.

Programmet til Rosendal Kammermuskkfestival 2025 er ute. Eg er svært glad for å få delta som festivalkomponist. Det blir ein fin presentasjon av kammermusikken min fordelt på konsertane gjennom festivalen, med tre urframføringar og ein del andre verk. Tusen takk til Leif Ove Andsnes og Rosendal Kammermusikkfestival for å ta med musikken min på årets festival! Nyheten om at det er siste gong festivalen blir arrangert skaper melankoli, men også stor takksemd for den utruleg imponerande innsatsen Leif Ove og hans støttespelarar har gjort for å skapa ein så profilert og viktig arena for kammermusikk. Verk og artistar som deltar på mine framføringar: Daniel Sæther og Ensemble C4 urframfører tre “Tilstandar” – vår, sommar og haust til tekstar av Ruth Lillegraven, Erlend Nødtvedt og Terje Tørrisplass. Strykekvartetten Opus13 framfører “Bumerang”. Hilde Haraldsen Sveen, Ragnhild Gudbrandsen og Knut Christian Jansson framfører “Skråblikk på Haugtussa”, tekst Arne Garborg. Knut Christian framfører også utdrag av “20 blikk på Opus 54” som er betraktningar over Evard Grieg sine lyriske stykker opus 54.

Link til programmet:

Link til intervju med festivalsjef Leif Ove Andsnes
https://www.klassiskmusikk.com/noen-virkelig-virkelig-store-opplevelser-for-veldig-mange/#