{"id":7836,"date":"2025-02-20T12:55:56","date_gmt":"2025-02-20T12:55:56","guid":{"rendered":"https:\/\/knutvaage.com\/?p=7836"},"modified":"2026-09-28T14:18:35","modified_gmt":"2026-09-28T14:18:35","slug":"intervju-om-rosendal-kammermusikkfestival-i-grenda","status":"publish","type":"post","link":"https:\/\/knutvaage.com\/en\/intervju-om-rosendal-kammermusikkfestival-i-grenda\/","title":{"rendered":"INTERVIEW ABOUT THE ROSENDAL CHAMBER MUSIC FESTIVAL IN THE VILLAGE"},"content":{"rendered":"
\"\"<\/figure>\n\n\n\n

Knut Vaage med tre urframf\u00f8ringar: «Det var litt lyn fr\u00e5 klar himmel d\u00e5 Leif Ove spurde om eg ville vera med. I sin siste sommar vender festivalen tilbake til norske r\u00f8ter, og med Knut Vaage fr\u00e5 Sunde i ei av hovudrollene,» seier Marie-Louise Knoop
(mane@grenda.no<\/a>). <\/p>\n\n\n\n

«Det var litt lyn fr\u00e5 klar himmel d\u00e5 Leif Ove spurde om eg ville vera med i \u00e5r, men sj\u00f8lvsagt ei veldig hyggeleg overrasking,» fortel Vaage p\u00e5 telefon til Grenda. Han er midt i eit operaarbeid, men tek seg tid til ein prat likevel. Dei snakkar om kammermusikkfestivalen, om kor viktig kunst og kultur er for samfunnet, om r\u00f8tene til Baroniet og ikkje minst om den kommande og siste versjonen av Rosendal Kammermusikkfestival. «Det er ekstra stas for meg \u00e5 vera med n\u00e5r det er fokus p\u00e5 norske r\u00f8ter og Grieg, og eg er veldig glad for at eg f\u00e5r vera med no n\u00e5r det er siste sjans,» seier Vaage. Han minnast tilbake til d\u00e5 han gjekk p\u00e5 Griegakademiet og Leif Ove Andsnes kom inn nokre klassar under han. «Eg gjekk der som ein litt eldre og langt ifr\u00e5 like dyktig pianist,» ler han og legg til; «Men eg hadde aldri ambisjonar om \u00e5 bli ein klassisk pianist. S\u00e5 eg syntest det var veldig kjekt \u00e5 h\u00f8yra at ein ungdom som kom rett fr\u00e5 ungdomsskulen var s\u00e5 dyktig.» Dei to har halde kontakten, og d\u00e5 Andsnes spurde Vaage om \u00e5 vera med p\u00e5 \u00e5rets kammermusikkfestival, var det ikkje noko \u00e5 lura p\u00e5. «Det er ikkje noko lite program han har stelt i stand. Eg f\u00e5r veldig mykje \u00e5 gle meg til, d\u00e5 verka mine er spreidd utover dagane. Det blir som eit lite puslespel for dei som g\u00e5r p\u00e5 alle konsertane, der dei kan plukka opp bitane for kvar dag,» seier Vaage. I l\u00f8pet av festivalen vil Vaage ha tre urframf\u00f8ringar. Desse verka skildrar naturen sine tilstander, n\u00e6rmare bestemt v\u00e5r, sommar og haust. Svigerinna til Vaage, Hanne Bramness, har skrive ei diktbok kalla \u00abVintersong\u00bb. Med utgangspunkt i desse dikta komponerte han musikken som vart det fyrste verket i denne \u00e5rstid-serien. Denne er innspelt p\u00e5 CD og kan lyttast til p\u00e5 Spotify. «Eg hadde heilt fr\u00e5 starten av ein plan om \u00e5 laga ein sats til kvar av \u00e5rets tider. Vi som menneske har alltid vore opptekne av syklusane i naturen. Eg trur det er ein av v\u00e5re styrker, at vi nordmenn kan henta inspirasjon og r\u00f8yst fr\u00e5 naturen,» seier Vaage. V\u00e5r, sommar og haust er laga med utgangspunkt i dikt av Ruth Lillegraven (v\u00e5r), Erlend O. N\u00f8dtvedt (sommar) og Terje T\u00f8rrisplass (haust). Dei tre verka er skrivne til kontratenoren Daniel S\u00e6ther, med eit utval av musikarane fr\u00e5 \u00abVintersong\u00bb. No skal dei alts\u00e5 dei tre neste \u00e5rstidene til pers, og det er ei viss spenning \u00e5 h\u00f8yre i stemma til komponisten. «Det er alltid spennande \u00e5 sj\u00e5 korleis ting blir motteke, spesielt urframf\u00f8ringar. Det er ei uro p\u00e5 f\u00f8rehand som p\u00e5 eit vis er fascinerande,» fortel han og legg til; «Eg er ogs\u00e5 spent p\u00e5 korleis \u00abBumerang\u00bb og \u00abSkr\u00e5blikk p\u00e5 Haugtussa\u00bb vert motteke. Det er med litt skrekkblanda fryd, men gleda ved formidlinga er det sterkaste.» \u00abBumerang\u00bb er ein strykekvartett som blir framf\u00f8rt p\u00e5 opningskonserten. \u00abSkr\u00e5blikk p\u00e5 Haugtussa\u00bb er laga med eit nytt blikk p\u00e5 Garborg sitt diktverk som ogs\u00e5 inspirerte Grieg songsyklusen \u00abHaugtussa\u00bb, og vert framf\u00f8rt av Ragnhild Gudbrandsen (stemme), Hilde Haraldsen Sveen (sopran) og Knut Christian Jansson (piano).<\/p>\n\n\n\n


Links to Spotify:\u00a0
Bumerang\u00a0
<\/p>\n\n\n\n

\n